Antrenè Arsenal la, Mikel Arteta, pa kache anbisyon li anvan gwo final la kont Paris Saint-Germain.

"Nou pa vini isit la pa chans. Nou #merite plas nou nan final la, men demen nou dwe pwouve sou teren an ke nou merite leve twofe a!"

Arteta pwofite bay gwo respè pou Luis #Enrique:

"Depi lè li te jwè, Luis Enrique toujou yon referans pou mwen. Li espesyal anpil e li se youn nan moun ki enspire m plis nan karyè mwen."

Men malgre respè sa a, Arteta voye yon avètisman klè bay #PSG:

"PSG se chanpyon an tit, men nou la pou retire kouwòn nan sou tèt yo!"

Li konfime tou ke plizyè jwè enpòtan disponib pou final la, tankou Timber ak #Madueke, pandan Ben White rete sèl gwo dout la.

Èske Arsenal ap rive ranpòte premye Champions League li nan listwa, oswa èske PSG ap konsève kouwòn Ewòp la ankò?